Ang epektibo na pag-manage sa kwarta gamit ang Money Lover application.
Ang Balik-Balik Na Problema
Kita tanan naay kwarta, magamay man, igo-igo ra, o ubay-ubay. Ang uban naka-budget na, ang uban kay bana-banaon pa. Pero kinsay nakasulay anang matingala nalang ka nga nahurot na imung kwarta? Ug taman raka sa bana-bana kung aha napadulong imung kwarta?
Ug ang nakabati pa jud kay matag kinsenas nalang ni nagahitabo, o matag hatag sa imung ginikanan ug balon sa imuha. Balik-balik. Kapoy no?
Kailangan naa kay buhaton arun pagsulbad ani. Ug, praise God, karon, pwede nimu ma-manage ug tarong imung kwarta gamit ang Money Lover app. Oo! Gamit lang imung smartphone, tablet o computer ba kaha, dali na ug sayon ra nimu ma-manage ang imung kwarta.
Unsa Ang Money Lover?
 |
| Money Lover |
Ang Money Lover kay usa ka application nga makatabang nimu nga mapasayon imung pag-manage sa imung kwarta. Ma-download rani libre sa Google Play Store, sa Apple App Store o sa Windows Store. Igo raka mag-sign-up and wallah, pwede naka makagamit.
Gamit ang Money Lover, masabtan nimu kung aha napadulong imung kwarta arun matarong nimu ug plano ang imung pag-gasto.
Unsay Mga Features Sa Money Lover?
- Expense Tracker & Money Manager. Ma-track nimu imung mga pag-gasto matag-adlaw. Kailangan ra nimu i-type ang numero and mu-pili ug category. Dali ra kaayo.
- Budget Planner. Maka-set ka ug budget sa imung mga gastuhunon, pang-usa ka simana ba, bulan o tuig. Makadawat ka ug notification kung ninglapas na sa imung gi-budget ang imung pag-gasto.
- In-depth Reports. Ang Money Lover magahatag nimu ug mga charts arun naa kay insakto ug detalyado nga picture sa imung pag-gasto, imung income o balance para ana nga bulan, simana ug uban pa. Dili naka mag-bana-bana pa sa imung kwarta kung na-unsa na.
- Bill Reminder. Dili naka makalimot sa imung mga bills kay pwede nimu ni sila ma-schedule gamit ang app, sama sa renta, bayad sa Internet o cable. Pahibal-on ka sa Money Lover before sa imung due date.
- Cloud Syncing with Top-Notch Security Level. Kung naa kay daghang device, ma smartphone man o tablet, maka-siguro ka nga kaya ni Money Lover ma-record imung mga pag-gasto ug mga income. Ang Money Lover mugana sa daghang mga devices. Pwede nimu ma-access imung mga data securely bisan asa man ka o bisan unsa imung device.
Ug daghan pang mga features ang Money Lover. Mas nindot nga ikaw mismo makasulay arun masabtan pajud nimu ug ma-explore pa jud nimu kung unsay kaya nimu mabuhat sa app. Pwede nimu ni siya ma-download diritso sa Google Play Store, sa Apple App Store o sa Windows Store. Pwede pud ka mu-visit diritso sa ilang website - https://moneylover.me/ para sa dugang pang impormasyon.
So, mao lang sa na karon. Ayaw kalimot ug subscribe sa Ulitawong Bisaya ug follow ni-ini sa Facebook para sa dugang pang mga tips. Kung naa kay mga pangutana o clarification, comment lang ug akong paningkamotan nga matubag ni. Daghang salamat and God bless you!
