Ang usa ka business advice nga nag-salbar sa duha ka pinakadakong kompanya sa kalibutan.
Kumusta?! Naa koy i-share nimu about sa usa ka article nga akong nabasa nga para nako is dako ug matabang sa imuha. Hope imu ning basahon ug i-apply. Dili ako ang original na nagsulat sa article. Ako lamang ning gi-translate.
Atong 2006, si Mark Parker ang gipanganlan sa Nike isip ilang CEO. Ug usa sa unang gibuhat ni Parker mao ang pagtawag niya sa CEO sa Apple nga si Steve Jobs para mangayu ug business advice.
Naglisud ang Nike atong panahuna.
Naa silay successful nga brand. Pero, tungod sa kadaghan sa ilang produkto (mga gatos-libo kapin), wala nila natarong ug ha-um ilang digital strategy.
Ug sa ilang tawag, naghatag si Steve Jobs ug usa ka advice nga nagpabilin kang Parker:
"Nagbuhat ang Nike sa pipila sa pinakanindot na produkto sa kalibotan na ginapangandoy sa mga tawo. Apan, daghan pud kaayu silang ginabuhat nga walay pulos. Kailangan i-cut ang mga walay pulos nga produkto ug mag-focus lamang sa mga maayu." - Steve Jobs
"Sakto jud siya," ingon ni Parker. "Kailangan namo ang pag-usab."
Ug imbes na magbuhat napud sila ug dugang napud na linya sa produkto, gipadayon lamang sa Nike kung unsay pinakamaayu nilang ginabuhat. Samtang nakig-partner sila sa Apple para sa ilang digital strategy. Ug ang resulta mao ang Nike+, usa sa mga pinaka-successful nga kampanya sa Nike sukad.
Angay sad natong masabtan na si Steve Jobs wala lang basta-basta naghatag ug advice. Kundi siya pud mismo nagkinabuhi sa iyang mga tambag.
Si Jobs gikan napahawa sa Apple pero atong tuig 1997, sa dihang nagkalisud ang kompanya, ningbalik siya. Ug unsa iyang unang mando diha sa negosyo? Cut.
Sulod sa usa ka tuig, halos 70 persyento sa produkto sa Apple ang gipahunong ni Jobs. Ug human sa usa ka tuig, gikan sa pagkalugi ug $1.04 billion, ang kompanya naka-recover ug ning-ginansiya ug $309 million.
Nakita ni Jobs nga ang Apple na-distracted sa mga oportunidad. Ug samtang kini murag inosente, pero malimtan nato na kalakip sa tagsa-tagsang oportunidad mao ang commitment: energy, oras ug kwarta.
Nganong Grabeh Man Ka-Lisud ang Pag-focus Sa Usa Ka Butang?
Halos kita tanan guilty sa pagdungan-dungan ug lukop sa daghang mga butang.
Usa pa jud, ang atong kultura nagtudlo nato na kab-uton, dili lang usa, kundi daghang mga oportunidad.
Sa tuig 1400s, ang word "priority" kay singular, kadtong naabot ni sa English lanuage. Ang meaning niini mao ang "pinaka-unang butang", dili ang "pinaka-unang mga butang".
Basi kay New York Times best-selling author Greg McKeown, sa iyang libro nga Essentialism, ang word "priority" nagpabiling singular sulod sa kinentos nga tuig hangtod sa nahimo ning plural sa tuig 1900s.
Ang ebidensya makita nato sa acceptance of "priorities" versus "priority" pina-agi sa pagtan-aw sa Google's Ngram Viewer, usa ka gamit sa pag-analyze sa mga words na gigamit sa mga printed books sugod tuig 1500.
Makita nato sa graph sa ubos na ang usage sa word "priorities" sa context kay halos zero pero sa tuig 1950, naay pag-usab na nahitabo.
 |
| Ika-pila nagpakita ang word "priority" vs "priorities" sa mga libro gikan sa tuig 1600 hangtod 2000. Graph gikan sa Google Ngram Viewer. |
"Sa dili masabtan nga rason, gusto pingkawon sa tawo ang reyalidad pina-agi sa pag-usab sa word. Ug nahimong natong daghang ang mga butang sa 'pinaka-unang butang' sa context sa word 'priority'", ingon ni McKeown.
Ug sa atong society karon, nahimo kining tinuod. Apil ana nga meeting, apil ani nga meeting. Adto ana nga event, adto ani nga event. Kay "wala ta kabalo". Bisan ang atong psychology nagtuklod usab nato. Ug nahimong powerful ang kahadlok nga mabiyaan. Dili ta gusto nga naay laing tawo nga makakuha sa atong mga oportunidad.
Maong lisud kaayu nato sabton nga arun mahimo nato ang pinaka-nindot nga butang, kailangan nato palungon ang ubang mga oportunidad. Apan dapat diay nato masabtan na dili nato ibaylo atong focus sa daghang mga oportunidad. Ug kini gikinahanglan, samot na karong panahuna.
Mas Mulabaw Ang Focus Kaysa Sa Oportunidad: Ang Pagbuhat Ug Pinaka-maayu Sa Usa Ka Butang
Ang internet abli ug nalunod ta sa mga pili-anan ug impormasyon. Nalipat ta na ang gusto ra diay sa atong utok kay simpli.
Mahimo tang mu-stand-out sa kadaghanan kung ato ning dawaton kini na mensaha ug i-aplikar sa atong kinabuhi ug sa atong mga gipangbuhat ug negosyo. Tan-awa ang kompanya na Apple (samtang naa kini sa pagdumala ni Jobs). Halos tulo ka tuig ang gigahin alang lamang sa pagbaligya ug usa ka produkto: ang Apple 1. Ayha lamang sila nagpadayon sa dihang ang kini nga produkto nahimo nang hit. Talagsa ra kaayu ni mahitabo. Ingon ni Steve Jobs, "Bisan ang Apple nagkantidad ug $30 billion, apan wala lamang kaabot ug 30 ang ilang major na produkto. Wala ko kabalo kung nahitabo naba ni sukad."
 |
| Mga produkto sa Apple sa wala pa vs sa pagbalik na ni Steve Jobs. Picture gikan sa Apple Insider. |
Diha sa pag-focus sa gamay, imung gihatagan imung kaugalingon ug oras na makabuhat ug produkto na kaya mu-sulbad sa problema sa pinaka-maayung pamaagi. Kay kung gamay lang ang resources ug energy na imung ginagahin, taman ra sa high level ang kayang matugkad sa imung produkto.
Ug taas ang kompetisyon sa mga produktong basta-basta lang ang pagsulbad sa problema kay pipila lamang ang mga produkto na kaya musulbad niini sa pinaka-maayung pamaagi.
Hangtod karon, maka-tintal japun ang daghang mga oportunidad, pero dapat nimung makat-unan ang importansya sa pag-focus sa pipila ka saktong butang.
Dili makatabang ug pa-paspas ug human ang pagsugod ug dungan sa daghang mga butang. Focus! Sa dili paka magpa-kusog sa imung gasolinador, himua na tinuod gusto sa mga tawo kana imung usa ka produkto na gi-offer. Ayha pa dayun ka mu-konsidera sa ikaduhang produkto na imung pagabuhaton.
So, mao lang sa na karon. Ayaw kalimot ug subscribe sa Ulitawong Bisaya ug follow ni sa Facebook para sa dugang pang mga tips. Kung naa kay mga pangutana, clarification, o ika-dugang, comment lang ug akong paningkamotan nga matubag ni. Daghang salamat ug God bless you!
